que iusticia nominata est â—â—â—us condicio legibus incorupta vniuiaue qd suum est cquo pondere distribuit wHat is a londe there men be none What ben the men that are allone Without a kynges gouernaunce What is a kyng in his lygeaunce Where that there is no lawe in londe What is to take lawe on honde But yf the Iuges ben trewe These olde worldes with the newe Who that wyl take in euydence There may he se experience What thynge it is to kepe lawe Thorow which wronges be withdrawe And rightwysnes stande coÌ„mended Wherof the regnes ben amended For where the lawe may commune The lordes forth with the comune Eche hath his propre deute And eke the knyghtes ryalte Of bothe his worshyp vnderfongeth To his estate as it bylongeth Whiche of his worthynesse Hath to gouerne rightwysnesse As he whiche shal the lawe guyde And neuerthelesse vpon soÌ„me syde His power stante aboue the lawe To yeue bothe and to drawe The forset of the mannes lyf But thynges whiche are excessyf Ageyn the lawe he shal not doo For loue ne for hate also Imperatoriam magestatem non solum armis sÈ eciam legibus oportet esse armatam b The myghtes of a kyng be grete But yet a worthy kyng shal â—etâ— Of wronge to done al that he myght For he whiche shal the peple right Yt sitteth wel to his regalye That he hym self fyrst Iustefye Toward god in his degree For his estate is elles fre Toward al other in his persone Saue onely to the god allone Whiche wyl hym self a kyng chastyse Where that none other may suffyse So were it good to taken hede That fyrst a kyng his owne dede Betwene the vertu and the vyce Redresse than his iustyce So sette in euen the balaunce Towardes other in gouernaunce That to the powre to the ryche His lawes myght stonde in lyche He shal excepte no persone But for he may not al hym one In sondry place to Iustyce He shal of his ryal offyce With wyse consyderacion Ordeyne his dysputacion Of suche Iuges as ben lerned So that his peple be gouerned By hem that trewe ben wyse For yf the lawe of couetyse Be set vpon Iuges honde Woo is the peple of thylke londe For wronge may not hym self hyde But allas on that other syde Yf lawe stonde with the right The peple is glad stonte vp right Where as the lawe is meuable The comyn peple stante resonable And yf the lawe torne a mys The peple also mystorned is Nota hic iusticia maximinj imperato ris qui cum alicuius prouincie custodeÌ„ sibi constituere volebat primo de sui nominis sama proclamacione facta ipsius condicionem diligencius inuesti gabat aNd in ensaumple of this matere Of maxymyn a man may here Of Rome Whiche was emperour That whan he made a gouernour By weye of substytucion Of prouynce or of regyon He wold fyrst acquyre his name And lete it openlye proclame What man he were or euyl or good And vpon that his name stode Enclyned to vertu or to vyce So wold he sette hym in offyce Or ellis put hym al a weye Thus helde the lawe the right weye Whiche fonde no lette of couetyse The world stode than vpon that wyse By ensaumple thou myght rede And holde in thy mynde I rede Hic ponit exemplum de iudicibus incorruptis narrat qualiter Gaius Fabricius nuper Rome consul aurum a sampnitibus sibi oblatum remiâ—t dicens qd nobilius est aurum possidentes domino subuigare quam ex auri cupidi tate dominij libertacem amâ—â—tere IN a cronyque I fynde thus How that gayus fabricius Whiche whylom was consul of rome By whom the lawes yede come Whan the sampnytes to hym brought A somme of golde hym besought To done hym fauour in the lawe Toward the golde he gan hym drawe Wherof in al mennes loke A parte in to his honde he toke Whiche to his mowthe in al haste He put it for to smelle and taste And to his eye to his lere But he ne foude no comforte there And than he began it to despyse And tolde vnto hem in this wyse I note what is wyth golde to thryue Whan none of al my wyttes fyue Fynde sauour ne delyte therin So it is but a nyce synne Of golde to be couetouse But he is ryche and gloriouse Whiche hath in his subieccion Tho men whiche in pocessyon Ben riche of golde by this skylle For he may al day whan he wylle Or be hym lefe or be hym lothe Iustyce doon vpon hem bothe Lo thus he said with that worde He threwe tofore hym vpon a borde The golde out of his honde anone And said theym that he wold none So that he kepte his lyberte To doo Iustyce and equyte With lucre of suche rychesse Ther ben now fewe of suche I gesse For it Was thylke tyme vsed That euery Iuge was refused Whiche was not frende to comyn right But they that wolden stonde vp right For trouthe onely to Iustyce â—referred were in thylke offyce To deme Iuge comyn lawe Whiche now meÌ„ sayn is al with draw To settâ— a lawe and kepe it nought There is no comune prouffyt sought But abeue al nethelees The lawe whiche is made for pees Is good to kepe for the beste For that setteth al men in reste Hic nâ—rrat de iusticia nuper conrar â—i imperatoris cuius tempore alicuius reuerencia persone aliqua seu precum inâ—â—ruencione quacunqÈ vel auri redempcione legum statuta coÌ„mutari seu râ—dâ—â—i nullatenus potuerunt tHe rightful emperour conrâ—de To kepe pees suche a lawe made That none within the cyte In dysturbaunce of vnyte Durst ones meuen a matere For in his tyme as thou myght here What poynte that was for lawe sette It sheld for no good be lette To what persone that it were And this brought in the comyn fere Why ony man the lawe dradde For ther was none which fauour had Nota exemplum de constancia judicis vbT narrat de carunidotiro rome nuper coÌ„sule aui cum sui statuti legem nes ciens offendisset Romani que super hee penam sibi remittere noluisseÌ„t ipeÌ„ propria manu vbi nullns alius in ipsum vnidex fuit sui criminis vindic tam exâ—cutus est sO as these olde lookes sayn I fynde write where a romayn Whiche consul was of pretoyre Who 's name was caromydotâ—yre He sette a lawe for the pees That euery man be Wepenlees That came in to the counceyl how 's And elles as malicious He shal ben of the lawe dede To that statute to that rede Accorden al it shal be so For certeyn cause whiche was tho Now here what fyl herafter sone This consul had for to done And was in to the feldes ryden And they hym longe abyden That lordes of the couuceyl were And bad hym come and he came there With swerde y
To god he yeueth the heuen ryche The world yeueth onely but a name Which stante vpon the good fame Of hem that done the good dede And in this wyse double mede Receyuen that done wel here Wherof yf that thou list to here After the fame as it is blowe Ther myght thou wel the soth knowe How thilke honest besynesse Of hem that first of rightwysnesse Emonge the men the lawes made May neuer vpon this erthe fade For euer while there is a tonge Her name shal be redde songe And hole in the cronyke write So that the men shullen wyte To speke good as they wel oughten Of hem that first the lawes soughten In forderyng of the worldes pees Vnto thebrewes was moyses The first the Egypciens Mercurius to troiens First was ne wma pompilius To athenes ligurius Yaue first the lawe vnto gregoys Foroneus hath thylke voyce And romulus of romayns For suche men as ben vylayns The lawe in suche a wyse ordeyneth That what man the lawe pleyneth By so the juge stonde vp right He shal be serued of his right And so ferforth it is befalle That lawe is comune emonge vs alle God lene it moâ—e wel be holde As euery kyng therto is holde For thynge whiche is of kynges sette With kynges ought it not to be lette What kyng of lawe taketh no kepe By lawe he may no royame kepe Do lawe aweye what is a kynge Where is the right of ony thynge If that there be no lawe in londe This ought a kyng wel vnderstonde As he which is to lawe sworne That yf the lawe be forlorne Withouten execusyoun Hit maketh a londe torne vp so dou n Which is vnto the kyng sclaundre For thy vnto kyng alisaundre The wyse philosophre hadde That he hym self first be ladde Of lawe than forth with alle To doo justyse in generalle That al the wyde londe aboute The iustyce of his lawe doubte And than shal he stonde in reste For therto lawe is one the beste Aboue al other erthely thynge To make a liege drede his kynge But how a kyng shal gete hym loue Toward the hygh god aboue And eke a man in erthe This nexte poynte whiche is the ferthe Of aristotles lore it techeth Wherof who the soole secheth What polecye that it is The book reherceth after this Nil racionis habens vbi vel tiraÌ„ni 〈◊〉 regna Stringit amor populi transiet exul ibi Set pietas regnum que conseruabit in euum Non tantum po pulo set placet illa deo Hic tractat de quarta principum re giminis policia que pietatis dicta est per quam principes erga populum mi serioordes effecti misericordiam altissimi consecuntur iT nedeth not that I debate The prynce which preised is algate And hath ben euer euer shal Wherof to speke in special It is the vertu of pyte Thorough which the hye mageste Was sterred whan his sone alyght And in pyte the world to right Toke of the mayde flesshe blood Pyte was cause of thylke good Wherof that we ben all saue Wel oughte a man pyte to haue And the vertu to sette in price Whan he hym self which is al wyse Hath shewed why it shal be preysed Pyte may not be counterpeysed Of tyrannye with no peyse For pyte maketh a man curteyse Bothe in his worde in his dede It sit wel euery liege to drede His kyng to his heste obeye And right so by the same weye It sit a kyng to be pytous Toward his peple gracious Vpon the rule of gouernaunce So that he worche no vengeauuce Whiche may be cleped cruelte Iustyce which doth equyte Is dredeful for he no man spareth But in the lâ—nde where pyte fareth The kyng may neuer fayle of loue â–ª For pyte thorough the grace aboue So as the phylosophre affermeth His reygne in good estate confermeth The appostle iames in this wyse Sâ—yth what man that shold do iuyse And hath not pyte forth wyth all The dome of hym whiche demeth all He may hym self ful sore drede That hym shal lacke vpon the nede To fynde pyte whan he wolde For who that pyte wyl beholde It is a poynte of cristes love And for to loken ouermore It is behouely as we fynde To reson to lawe of kynde Tassyodre in his aprise telleth The royame is sauf where pite dwelleth And tullyus this tale auoweth And saith what kyng to pite boweth And with pyte stonte ouercome He hath that shelde of grace nome Whichâ— vnto kynges yeueth victoryâ— Of alisannder in his hystorye I rede how a worthy knyght Of sodeyn wrath not of right Foriuged bath he appeleth And with that word the kyng quareleth And said none is aboue me That wote I wel my lord ad he Fro thy lordshyp appele I nought But fro thy wrath in al my thouÈt To thy pyte stante myn appele The kyng which vnderstode hym wele Of pure pyte gaue hym grace And eke I rede in another place Constantinus imperator ait vere se dominum esse â–ª comprobat qui seruum pietatis se facit Thus said whilom constantyne What emperour that is enclyne To pyte for to be seruaunte Of al the worldes remenaunte He is worthy to ben a lorde In olde bookes of recorde Traiâ—nus ait qd cum ipse subditos suos solite pietatis fauore magis quaÌ„ austeritatis rigore regere corum que be neuolenciam pocius quam timorem penes se attractare proponebat tHis fynde I write of ensauÌ„playr Traian the worthy debonayr By whome that rome stode gouerned Vpon a tyme as he was lerned Of that he was to famulyer He said vnto that counceller That for to be an emperour His wylle was not for veyne honour Ne yet for reddour of Iustyce But yf he myght in his offyce His lord his peple plese Hym thought it were a grete ease With loue her hertes to hym drawe Than with the drede of ony lawe For whaÌ„ a thynge is done for doubte Ful ofte it cometh the wers aboute But where a kynge is pytous He is the more gracious That mykel thrist hym shal leiyde Whiche ellis shold torne a syde Qualiter Iudeus predester cum pa â— gaue equitante itinerauit per desertum et ipsum de fide sua interrogauit tO do pite supporte grace The phiâ—â—sophre vpon a place In his writyng of dayes olde A tale of grete ensaumble tolde Vnto the kyng of macedoyne How bytwene cayr babyloyne Whan comen is the somer hete It happened two men for to mete As they shold entre in to a paas Where that the wyldernes was And as they wente forth spekende Vnder the large wodes ende That one man axeth of that other What man art thou my lyef broder Which is thy creaunce thy feyth I am a paynym that other seyth And by the lawe which I vse I shal not in my feyth refuse To louen al men y
treteth on the spyce of glotonye callid dellicacye folio C xlj Here he telleth the ensaumple of dyues lazare which is expressid in the gospel of luke folio C xlij Of the delycacye of new folio C xlij How the Impressyons ymagyned in the mynde gladeth maketh the hertes of louers delicate folio C xliij Here he treteth how detycacye dronkenesse bryngen a man to the promocion of carnal concupyscence and causen magyke folio C xliiij The names of the aucâ—â—nrs of the bookes of natural superstycyons magyke nygromanâ—ye folio C xliiij How vâ—xes a grete magicyen comyng fro troye arâ—yued in the ysle of Cylly where the grete wytche circes was on whom he gate a sâ—ne which afterward slewe his fader folio C xliiij How neetâ—nalus descâ—â—ued olympyas by his crafte and gate on hyr AlysauÌ„der the grete conquerâ—ur fo C xlvij How Zorasâ—â—s the fyâ—ste magycyâ—n laughed at his byrth whâ—m the kyng of syrye slâ—we folio C l Thus endeth the syxthe book And here begynneth the seuenth book In thys vij book thauctor entendeth to telle the doctryne of arystotle which he taughte to Alysaunder touchyngâ— astrologye and phylâ—sofye deuydeth it in to thrâ— partyes that is thâ—orik rethoryke practyke folio C lj Here he telleth first of theoryke which is endewed with thre scyences that is theologye ffysyke and methama â— tyke folio C lj Of threfold essence folio C lj The second parte of theorike callyd 〈◊〉 physyke folio Clj The thyrd parte of theoryk callyd mathematyke folio C lj Of musike folio lij Of geometrye folio C lij Of the creacion of the foure elementis and of theyr natures and propyrtees folio C lij Of the erthe that is the fyrst elemente folio C lij Of the water whiche is the second elemente folio C lij Of the aâ—â—r the iij element folio C lij Of the peryferyes of the ayeâ— fo C lij Of the fyres fleyng in the ayer by nyght of their names folio C liij Of the fyre whiche is the fourth elemente folio C liij How after the nature of the four elementes ben four complexyons in man nes body whiche ben malencolye fflewme blood colere folio C liij How the foure complexyons haue iiij mancyons in mannes body fo C liâ—ij Wherfore the stomake serueth fo C liiij Here he speketh of the dyuysyon of the erthe whiche was departed after the flood to the thre sones of noe that is asye affryke europe folio C liiij How the see is called the occeane folio C lv Here he speketh of the fourth spyce of mathematyke whyche is called astronomye and his felowe is astroâ—â—â—â—ye and of the seuen planetâ—s folio C liiij Here he speketh of the mone the netherest planete folio C lv The ij is mercurye folio C lvj The thyrd planete is called Venus folio C lvj The fourth planete is the sonne of his cours his apparayl folio C lvj The â—yfthe planeâ—e is mars fo C lvj The syxthe planete is Iupyter foâ—o C lvij The vij planete is Saturnus fo C lvij Of the twelue sygnes and effectys in twelue monethes folio C lviij Of the doctryne of nectanabus that he taughte to alysaundre of xv pryncypal sterres wyth theyr stones herbes conuenyent to the natural operacion in arte magyke folio C lx Of thauctours of astronomyâ— and the bookes therof made folio C lxâ— Here the confessor speketh of the second parte of phylosophye which is rethoryke and maketh men facounde and of his two spyces that is gramer and logyâ—ue by whos doctryne the rethour preferreth his wordes folio C lxij Of the eloquence of Iulyus Cezar in the cause of catelyne ageynst cyllene other folio C lxij Here hâ— treteth of the thyrd parte of phylosophyâ— whiche is called practyke And hath thre spyces that is ethyca yconomya polycya folio C lxiij How after polecâ—â— he treteth of fyue artycules byâ—ongyng to the rule of a kyng and the fyrst is trouthe folio C lxiij How daryus demaunded his cubyculers who was strengest the kyng the wyne or the woman folio C lxiiij Of thâ— strengthe of loue whiche was bytwene cirus kyng of perse apemen doughter of besazys folio C lxiiij Of the trouthe of alceste wyf of amete which chaas to deyâ— to haue hyr husbond to lyue folio C lxiiij Here he treteth of the second polecye of the magestee of a kyng whyche is called largesse folio C lxv How arystotle made exaumple to alysaundre by the exaccions of the kyng of chaldees folio C lxvj How Iulyus cesar releued suche knyghtes as were noble and valyaunt folio C lxvj How a kyng shold reward and gyue by dyscrescion folio C lxvj Hâ—w the state of a kyng ought to be supportâ—d of his treâ—â—e lyeges folio C lxvi How prodegalite of a kyng bryngeth in comyn pouerte folio C lxvi How flaterers in pâ—ynces courtes offende thre manere wyse folio C lxvii How arisippus repreuyd dyogynes by cause he wold not dwelle in courte and how dyogynes answerd hym folio C lxvii Here he puâ—â—eth an ensaâ—imple ayenst flaterers and telleth what is said to suche as take theyr tryumphe in rome folio C lxviii How whan an emperour is jnâ—renony sed in his estate a masen shal demaunde hym of what stone he wyl haue his temâ—e made folio C lxviii Of somme that make them self wyse ben feuÌ„de in th ende foles folio C lxix How kyng achab resused trewe prophetes and byleued slaterers folio C lxix Here he treteth of the thyrd polecye of a kynge whiche is called justyce which â—â—ndreth euery man that he ought to haue folio C lxx An emperours mageste ought not to be deffended eneâ—y â—y armes but also â—y â—usâ—yce folio C lxx How maxymyn â–ª the â—mpereur wold knowe the fame of a man or he wold sâ—tte hym in â—ny offyce folio C lxxi How gayus fabryaus refused yeftes â—nd wold not be corupte for golde folio C lxxi How carmyde tayre for kepyng of his sâ—atute sleâ—â—e hym self folio C lxxi How cambyses dyd doo flee a false juge and made his sone to fytte on his faders skyn to auyse hym how he juged folio C lxxii Of the names that first made lawes folio C lxxii Here treteth the confessor of the fourth polecye of a kynge whiche is named pyte folio C lxxiii How kyng alysaunder juged a knyght to deth he appeled his sentence fro hys yre to hys pyte folio C lxxiii How a jewe and a saresyn mette how the jewe deceyued the paynym wherfore a lyon slewe hym folio C lxxiiij How codâ—â—s kynge of athenes chaas to be sleyne hym self in the batayle for to saue his peple folio C lxxv How pompeyus after he had taken the kyng of armenye in batayle â—â—te hym goo quyte sayeng it is more noble to make a kyng thenne to depose a kyng folio C lxxv How leoncyus â—ut of the nose lippes of justynyan and how it was after auengyd folio C lxxv How one berillus maad a bulle of bras for
also shal be thy tale If he hem smote with roddes smale With scorpyons thou shalt hem smyte And where thy fader toke a lite Thou thynkest to take mychel more Thus shalt thou make hem drede sore The grete herte of thy corage So for to holde hem in seruage This yong kyng hym hath coÌ„formed To done as he was laste enformed Which was to hym vndoyng For whan it came to the spekyng He hath the yonge counceyl holde That he the same wordes tolde Of al the peple in audyence And whan they herde the sentence Of his malyce the manace Anone tofore his owne face They haue hym entyerly refused And with ful grete reproue accused So they began for to raue That he hym self was fayne to saue For as the wylde wode rage Of wyndes maketh the see sauage And that was calme bryngeth to wawe So for defaute grace of lawe This peple is stered al at ones And forth they goo out of his wones So that of the lignage twelfe Two tribus onely by hem selfe With hym abyden no moo So were they for euer moo Of no retorne without espryre Departed fro the rightful heyre Al Israel with comyn voyce A kyng vpon her owne choyce Amonge hem self anone they make And haue her yonge lord forsake A polber knyght jeroboas They toke lefte roboas Which rightful heyre was by dyssent Thus the yonge cause wente For that the counceyl was not good The reygne fro the rightful blood Euer afterward deuyded was So may it prouen by this caas That yonge couÌ„ceyl which is to warme Or men be ware dothe ofte harme Olde age for the counceyl serueth And lusty yongth his thonke deserueth Vpon the traueyle which he dothe And bothe for to say a sothe By sondry cause for to haue If that he wyl his wygne saue A kyng behoueth euery day That one can that other may Be so the kyng bothe rule Or ellys al goeth out of rule Nota questionem cuiusdam philosophi vtrum regno conueniencius foret principem optare sapientem quam cum sano consilio ipsum eligere insipientem aNd vpon this matere also A questyon betwene the two Thus writen in book I fonde Whether it be better for the londe A kyng hym self to be wyse And so to bere his owne pryse And that his counceyl be not good Or otherâ—â—kse yf it so stode A kyng yf he be vycious And his counceyl be vertuous It is answered in suche a wyse That better it is that they be wyse By whom the counceyl shold gone For they be many he but one And rather shal an onely man With fâ—ls counceyl for ought he can From his wysdem be made to falle Than he allone shold hem alle Fro vyces vnto vertues chaunge For tâ—â—t is wel the more straunge For thy the â—onde may wel be glad Whâ—s kyng with good couÌ„ceyl is lad Which sette hym vnto rightwysnes So that his hygh worthynes Betwene the reddeur pyte Dâ—th mercy forth with equyte A kyng is holden ouer alle To pyte and in specialle To â—â—m where he is moste beholde Thy shold his pite most beholde That bâ—n the â—â—ges of the â—onde For they ben euer vnder his honde A fâ—â—r the goâ—des ordenaunce To stonde vnder his gouernaunce Nota adâ—uâ— precipue de principis â—â—ga suos subditos debita pietate legitur â—nim ouabter anthonius a scipionâ— exemplificatus dixit quod mallet vnum de populo sibi commisso viruÌ„ saâ—uare â—uam centum ex hostibus aâ—enigenis in beâ—lo perdere oF the emperour anthonyus I fynde hâ—w he sayd thus That leuer hym were for to saue One of his liegâ—s than to haue Of enemyes an hundred dede As thus he lerned as I rede Of Cypyo which had be Consul of Rome thus to see Druâ—rs ensaumples how they stonde A kyng which hath â— charge on honde The comyn peple to gouâ—rne If that he wyl be may wel lerne Is none so good to the plesaunce Of god as is good gouernaâ—â—â—e And euery gouernaunce is due The pyte thus I may argue That pyte is the foundemente Of euery kynges reygnemente If it be medlyd wyth iustyce They two remeuâ—n al vyce And be of vertu moste vaylable To make a kynges royame stable Lo thus the foure poyntes tofore In gouernaunce as they be bore Of trouth first of laregsse Of pyte forth with rightwisnesse I haue hem tolde ouer this The first poynte so as it is Set of the rule of polecye Wherof a kyng shal modefye The flesshly lusâ—es of nature Now thynke I telle of suche mesure That bothe kynde shal be serued And eke the lawe of god obserued Corporis et mentis regem decet omnis honestas Nominis vt famam nulla libido râ—at Omne qd est hominis effe minat illa voluptas Sit nâ—si magnanimi cordis vt obstat ei Hic tractat secundum aristotilem de quinta principum xegiminis polâ—cia quam castitatem concernit cuius honestas im pudicicie motus obtemporans tam cor poris quam anime mundiciciam specialius presâ—rnat tHe male is made for the femele â–ª But where as one desyreth fele That nedeth not by weye of kynde For whan a man may redy fynde His owne wyf what shold he sâ—che In straunge places to beseche To borowe another maÌ„nes plough When he hath grete good yuough Affayted at his owne heste And is to hym wel more honeste Than other thynge which vnknowe For thy shold euery good man knowe And thynke how that in maryage His trouth plyte lyeth in morgage Which yf he breke it is falsehede And that discordeth to manhede And namely toward the grete Wherof the bookes al trete So as the phylosophre techeth To alysaunder hym bytecheth The lore how that he shal mesure His body so that no mesure Of flesshly lust he shal excede And thus forth I shal procede The first poynte as I sayd ere Is chastyte which selde where Cometh now a dayes in to place But nethelesse but it be grace Aboue al other in specialle Is none that chaste may ben alle But yet a knyghtes hygh estate Which of his order as a prelate Shal be enoynted scifyed He mote be more magnefyed For dygnyte of his corone Than shold another lowe persone Which is not of so hygh empryse Therfore a prynce â–ª hym shold aduyse Or that he falle in suche ryote And namely that he ne assote To chaunge for the womanhede The worthynesse of his manhede Nota de doctriua aristotiles quasi ter princeps vt animi sui iocundita tâ—â—â— prouocet mulieres formosas câ—â—bro aspicere debet caueat tamen ne mens vo luptuosa torpesceus ex carnis fragilita te in vicium dilabatur F aristotle I haue wel radde How he to alysaunder badde That for to gladen his corage He shold beholden the vysage Of wymmen when that they ben fayre But yet he set an exaumplayre His body so to