Selected quad for the lemma: heaven_n

Word A	Word B	Word C	Word D	Occurrence	Frequency Band	MI	MI Band	Prominent
heaven_n	dwell_v	earth_n	new_a	13,357	5	7.0181	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06560	This boke is compyled by Dan Iohn Lydgate monke of Burye, at the excitacion [and] styrynge of the noble and victorious prynce, Kynge Henry the fyfthe, i[n] the honoure glorie [and] reuerence of the byrthe of our moste blessed Lady, mayde, wyfe, [and] mother of our lorde Iesu Christe, chapitred as foloweth by this table; Lyf of our lady	Lydgate, John, 1370?-1451?	1531 (1531)	STC 17025; ESTC S109664	89,192	232

armes rounde And than atones fall on thy face And of his eyen fulfilled of all grace A goodly loke to the warde enclyne And so forthe his chekes leye to thyne ¶ And with his fyngres mouthe eyen touche His small paumes on thy chekes leyne His yonge face betwene thy pappes couche And holde hym stille with all his besy peyne And grype hem faste with his hande tweyne For therin was his heuenly repaste Thy yonge sone whan he liste to breke his taste ¶ There was his fode and his norisshynge pure Soth faste seleer of his sustenaunce The tonne of lyfe that euer dyd endure Ay lyke fresshe vnto his plesaunce With sacred lycour of holy habundaunce That none but he may touche ne approche For it for hym was onely set abroche ¶ For in that licour is full remedye Holy refuyte and playne medecine Agayne the venym brought in by enuie Through ●a●●●●ngyne malice serpentyne Whan the snake made Adam to dyne Of the appell that was intoxicate Falsely with god to make hym at debate ¶ But nowe the mylke of thy pappes twayne Benigne lady is to vs triacle Within thy breste spryngeth from a vayne Agaynste the deth to be to vs obstacle O howe it is a passynge hygh myracle Thorowe goddes might by nought elles Out of a breste to se two smale welles ¶ Of a mayde spryngynge as a ryuere To gyue hym drynke that is kynge of all O goodely lady o heuenly botelere Whan we in mischief to the clepe call Some drope of grace let vpon vs fall And to that celer make a redy waye Where thou of mercy alone bearest the keye ¶ And of grace let be no scarsete Good lady that arte of grace well For nowe this daye in erthe is borne of the The sothfast god of heuen erthe and hell Whiche is come downe with vs for to dwell And hath of the our mortall kynde ytake Of all our wo an ende for to make ¶ Somtyme fro heuen fill downe the manne To refresshe the hongry in her nede And that befell in deserte right thanne Whan Moyses the people dyd lede But nowe this daye in erthe man to fede An humble mayde to all that ben truwe In this deserte hath brought manna newe ¶ Whiche to Angell is the fode of lyfe To man repaste of ioye and of gladnes Chyefe reconforte and restoratyfe To all feble oppressed with sekenes O good lady o myrrour of mekenes Benigne floure of womanhede the well In this deserte where as nowe we dwell ¶ Sende vs thy manna of souerayne hertes hel● To our conforte and consolacion And let vs grace in thy mercy fele For our refuyte and re●eccion And in this vale of confusion Let the grace fro the skyes rayne The manna of lyfe that we maye attayne ¶ For thou alone arte conforte syngule ● To tho that no re●uyte con●e This daye also of mercy the ryuere Fro whiche all grace is to mankynde ronne The sterre also that hath brought forth the sone The sone of lyfe in erthe for to wone O mayde o mother o doughter of thy sone ¶ Whiche none insoth sithe the worlde began Was bothe two but thy selfe alone For who is he that remembre can Fyrste or laste late or elles sone So bright a Sonne sprynge of so fayre a Mone Saue this daye the Sonne of lyfe moste shene From the arose thou a maydē clene ¶ Without Eclipsinge or lesynge of thy light For thou a mother and mayde bothe two In vertue aye lyke shene and bright O fayre Rose o Rose of Ierico That haste this daye god and man also In Bethleem borne agayne the greye morowe The night to voyde of all our olde sorowe ¶ Of likenesse of our Lady in cōmendacion of her Capitulo lix NOwe fayre Cedre Cipresse of Syon Springinge light of Nazareth Chosen chambre of wise Salamon Floure of the felde swettest on holte heth Of whome all vertue saueth men fro deth Of Siloe the water eke depured Wher●y the lepre of Naman was recured ¶ Lande and glorie of Iherusalem Thou named arte and of Israel gladnes Ho●●om cestern this day of Bethleem The christe of Dauid to staunche and distres Of Paradise the well in sothfastnes Foyson that floweth in to sondry Royames The soyle to ●dewe with his swete streames ¶ The lande also of promission That mylke and hony bothe in fere shedeth The soyle and grounde of our saluacion With his herbes that fostereth vs and fedeth Nowe blessed mayde whose mercy euer nedeth Also that lyuen in thy seruise This hygh fest ▪ so for vs deuise ¶ That in honoure of thy sone dere We may of herte rede singe and pray● And let the streames of thyne eyen clere Thy seruauntes o lady myne conueye To contynue fully vutyll we deye The to se●ue with hertely loue and drede As moste is pleasynge to thy womanhede ¶ And this feste of festes principall Called the feste of the natiuite Make loue and peace to reygne ouerall And hertes ioye with parfyte vnite Uoyde all discorde let no rancour be In hertes closed by malice of enmite But of thy grace so gouerne vs and gye ¶ This hygh feste in whiche thy sone was borne Nowe this midwynter night full affeccion Whyle Phebus shyneth in the Capricorne We may the serue with all deuocion And lady myne in conclusion Nowe this monthe that called is Decembre Upon thy seruauntes faythfully remembre ¶ Howe Christe was circumcised Capitulo lx WHan Ianus bifrons in colde Ianuarie With frosty berde entred in the yere And Phebus chare neyeth to Aquarie His watery beames tofore Feuerere Whan that his light was pale nothynge clere And from hym late was passed Lucine The same night as I sawe her shyne ¶ A ourned newe with beames glad and merye On the heuen and caste his streames downe I gan remembre of the hygh ferye That called is the circumcision Howe it befell than by reuolucion By iuste acountynge in the Calenders The fyrste daye of the newe yere ¶ And though I wolde in my boke procede Of this feaste somwhat for to wryte And to the gospell fyrste I gan take hede Of this daye howe Luke liste to endyte Though he therof speke but a lyte And was full briefe and compendious yet of this daye hygh and glorious ¶ He writeth playnly sayth howe that anone After the daye of the natiuite Whan eyght dayes passed were and gone The chylde was brought with all humilite To the Temple lowly for to be As the lawe of the Iewes hath deuised The eyght daye to be circumcised ¶ And he therto mekely dyd obeye And with a knyfe made full sharpe of stone His mother lokynge with a pyteous eye The chylde was corue therwithall anone That all aboute the reed blode gan gone Without abode as saythe Bonauenture And for the payne he dyd endure ¶ And for sharpenes of the sodayne smerte The chylde gan wepe that pyte was to here Wherfore his mother of very

worlde to glade ¶ Howe the Senates of Rome wolde haue holden Octauian her Emperour as for her God Capitulo lii ALso in Rome as writteth Innocente In his Cronicle makinge mencion Howe the Senates all by one assent In consistorie of affeccion Whiche they had in her opinyon Unto her noble and mighty Emperour Octauian of worthynes the floure ¶ Wolden echone hym haue deyfyed And called hym by name immortall The whiche thynge whan he had espyed As he that was full prudent founde at all To his presence made anone to call Sibille that was myrrour of sapience Here vpon to here her sentence ¶ And ther withall that she muste deffyne Without doubte or ambiguite As ferre in soth as Phebus doth nowe shyne If there were any of power more than he Or peregall vnto his degre From este to weste here in erthe lowe In all this worlde that she coude of knowe ¶ And this was downe vpon the selfe daye Whan Christe was borne in Bethleē by myracle And she full wysely Nolde put hym in delaye To geue answer mankynde a small obstacle Tyll at the laste the fyne of her oracle Amyd the chambre of the Emperour Standynge enuyron many a Senatour ¶ Was playnly thus with chere and face bold● O Emperour lifte vp anone thyne eye And loke vp gynder se the stercle of golde Aboute the Sonne whiche eche is to espye And there beholde thou mayste it nat denye A mayde sitte of beaulte moste souereyne Holdynge a chylde in her armes tweyne ¶ And yet anone as Octauian Sawe the chylde by clere inspeccion Without abode a voyce he herde than From alofte vnto the chambre downe Beholde and se with humble affeccion This is the Aulter of the hygh heuen Sette in the Sonne clere as any leuen ¶ Wherfore Sibille all abrode gan seye To hym anone liste nat for to byde Thy crowne auale and the chylde obeye Whose face the Sonne bright may nat hyde And let nowe be all thy pompe and pryde And at one worde she platly gan hym tell The chyldes migh● his power dyd excell ¶ Whiche thynge whā he gā playnly vnderstāde Of faythfull will and hole herte entere He kneled downe and liste no lengre stande And with encence caste in the sencere He dyd worshippe vnto the Aultere And to the chylde moste excellent of fame And liste nomore vsurpe on hym the name ¶ To be called agayne all skylle and right Wrongfully a god sith there is but one And right anone this noble worthy knight Through out y ● worlde his precept made to gon● To prouinces and contreyes euerichone Upon payne of deth that none of hem all Be herde more a god hym for to call ¶ For he well wiste by signes openly And euidencis eke in speciall There was one borne of power more worthy Than was hym selfe and therto immortall To whome nothynge in erthe is peregall Of all this worlde of hygh ne lowe estate And for this skylle after dedicate ¶ Was that chambre by hygh deuocion To Marie playnly this is no naye And called eke for this auisio● Ara cel● yet vnto this daye The name abydeth and slydeth nat awaye Ne leseth nat the light of his brightnes Thorowe none Eclipsinge of sorietefulnes ¶ And in Edgadi the lusty large vynes That tyme of yere of her kynde 〈◊〉 Gan florisshe floure and in stede of vynes With riche baume her branches to repayre And the vertue that wynter made bare Thorowe constraynynge of colde in the rote Nature made with fresshe blossomes sote ¶ To assende vpon the same night Upon the croppe with fruyte and leues newe Makynge the bowes as lusty to the sight As fresshe as fayre of colour and of hewe And as plenteuous her colour to renewe As in Septembre whan Bachus hath pouere To ●●e●● his might that tyme of the yere ¶ Lo howe the lorde the mighty Kynge That hath lordeshipe ouer grape and vyne Unto whose might euery maner thynge Heuen and erthe mu●●● encline Can branches bare ▪ with fresshe floures fyne Araye newe though they be sere and olde In frosty wynter and in weder colde ¶ As in somer whan Phebus is alofte Whan Flora reygneth in Maye in Aprill And make blossomes to be as smothe softe Amyd Decembre whan men for colde of chill Wherfore this feste frely at his will The night I meane of his natiuite To shewe his might in erbe floure tre ¶ He made the vynes as y● haue herderd 〈◊〉 In Edgad●●●er ●aw●e for to shede Whan they were moste naked and harayne And out of● e●o● who so can take hede Of whiche night longe aforne I rede That in Egipte the prophete Ieronime Full openly in his prophecye ¶ To the prestes of that kyngdome tolde That the Idoles of her Temples all Withoute● any reste by myracle sholde Breke her neckes and to grounde fall Whan a mayde in a Oxes stall Hath b●●●e a chylde this thynge shall 〈◊〉 Wherfore the prestes in her fa●es wyde ¶ Of very faythe and of hygh credenc● Secrete●● vpon a litell stage Upon his worde with humble reuerence Of a mayde ● let make an ymage And in her arme a chylde of tender age Doynge therto in her paynym wyse After her rytes a maner of sacrifyse ¶ And on this heste ay fro yere to yere They were a waytynge whan ● wolde be Tyll on a day of happe the kynge came nere The noble worthy and wyse Tolome The whiche thynge whan that he dyd se Anone of hem the cause he gan enquere Why wherfore the ymage was set the●● ¶ And echone of 〈…〉 Gaue answer● liste nat for to lye It was ordeyned of olde tradicion She wed ●ofo●●● through hooly prophe●ye In whiche they dyd faythfully espye Undispared the heste shall nat varye Of the prophecie a 〈◊〉 〈◊〉 though it carye ¶ And soth fastly ●n conclusion Upon the tyme of the natiuite The false Idolis in Egipte fell downe And all to braste in peces mo than thre To shewe truely that y borne was he Of heuen and erthe that hath the regallye And shall destroye all false ma● me●ry● ¶ Howe Romayns whan they had dominacion ouer all the worlde maden to them an ymage and called it theyr god Capitulo liiii I Fynde also as writeth Carnotence In his boke Pollicronicon That whan Romayns hadden excellence Of hygh lorshippes so many day a gone And the peoples and Re●m●s euer● chone Stoden vnto hem vnder ●owe seruage From yere to yere payenge a treuage ¶ Of a tribute that was customable To the empyre 〈◊〉 〈◊〉 For with the Romaynes Senates honourable Whan they floured in moste felicite Deuised haue for a ●ialte Amyd her towne in moste worthy place A large statue feminyne of face ¶ That made was of coper and of bras Large and longe wonderfull to se And of entayle deuided the compas This greate ymage called sholde be Goddesse of Rome and lyke a mageste In her right hande

there sholde be borne ¶ A chylde in soth without touche of man Of a mayde after his beheste That lyke a stone was I corne out than Whan he was borne of this hygh feste Onely to bere the crowne and the cheste In Babilonie of the greate ymage That made man fyrste for to do oultrage ¶ For nowe in soth comen is the day Of Prophetes so longe beforne behygh● For Christe Iesu playnly this is no nay Is lyke a stone who so loketh a right Whiche by his wysdome his fathers might And the vertue of the holy ghoste Was coruen out so clene of euery coste ¶ Of that blessed parfyte holy hill That groweth full of holsome floures fayre For our ofher that was in herte and will A parfyte mayde humble and debonayre Lyke as the dewe of heuen doth repayre Upon hermon alwaye newe and newe Amendynge ay the tresshnes of her hewe ¶ Right so thorowe vertue lastinge ay in o●● Of the holy ghoste this day of Mar●e Was coruen out the sothfast angle stoon Who me that prophetes prayse and magnefy For she this day was the glad skye Whiche the chylde of Elye dyd se So plesantly dessende from the tre ¶ Upon the erthe naked and barayne Of holsom faute and of erbes sote That hath shadde the confortable rayne The grayne of grace for our alther bote That perced hath euen to the rote Of our welfare to do the leues sprynge For the alone is the felde flouringe ¶ That somtyme gaue so passinge a swetenes To Isaac whan he was fall in age Of whiche he cast so inwarde gladnesse That hym thought hole his corage Renewed was and with a glad vysage Unto Iacob of hertely ioye sayde On his clothes as he his handes layde ¶ Howe Isaac prophecied the byrthe of Crist by touchinge of the clothes of his sone Iacob Capitulo xlvi MIne owne chylde and my sonne dere The greate swetenesse of y ● fresshe odoure Of thy clothinge to my is so entere That it fro me d●u●ydeth all langoure Saynge tofore that there sholde a floure Out of the felde springe of his kynrede The whiche sholde suche an odoure shede ¶ That all worlde shall conforte fynde hele In the swetenes agaynste eche maladye And souerayne helthe in euery mischyeffele So that this was no wight but Marie That hy dissent came of his alye Out of the whiche to glade all our chere This day in erthe there dyd a floure appere ¶ The swettest yet that euer man behelde Passinge the Rose and the floure delyse And of this holy fresshe fayre felde Somtyme the spouse spake in canticis Whan he it sawe so fresshe at his deuyse And habundaunt of a tempre eyre And that it was so passinge inly fayre ¶ Howe the Garnet appell is lykened to our Lady Capitulo xlvii O Howe the bawme of heuenly lycoure Of thy swetenes with souerayne suffesaūce Lyke Paradyse she dyth his vapoure Erly a morowe auoydinge all greuaunce Lyke the frute that is of suche plesaunce The garnet appell of colour golden hewed Thorowe whose odoure the corage is renewed ¶ Of euery wight that may the eyre receyue For euen lyke as the golden rynde Is playne shyninge as ye may conceyue His colour kepinge euer in one by kynde And doth his pepynes in the scales bynde To do conforte to seke in her accesse Right so Marie our sekenes to redresse ¶ This day hath borne the holsome holy fruyte The fruyte of lyfe that with his swete breth Is remedie and also chefe refute To mankynde agayne the feuer of deth For as the grayne of the garnet sleeth The stronge Axes and doth the hete auale Right so this day out of the golden scale ¶ The holsome pepyne and the grayne of lyfe Christe Iesu gan fyrste to appere And of Marie mother mayde and wyfe The golden Garnet with his scales clere Beynge all hole and euer a lyke entere Was borne in soth for to refresshe blyue Our olde Axes and right as the Olyue ¶ His Oyle shedeth and braunce lefe no tree Appereth nat of fayrnes ne coloure Right so Marie flouringe in chastite This day hat borne our alther sauiour The Oyle of peace to stynte our langour To softe our sores and our swellinge slake Of all our woundes whan they smerte or ake ¶ And nowe this day shortely for to wryte This blesfull tyme of the natiuite Of longe Ioseph the cote of polimite Wrought by the poure of all the Trinite Within the closette of chosen chastite Parformed was and by none hande of man As Alexander well reherce can ¶ Within his boke made in speciall On Cantica as ye may rede and se The whiche clothe of purpell moste ryall Hewed with clennes of virginite This day hath shewed in our humanite The godhede hole for by this cloth is mente Of our kynde the freel garnemente ¶ Howe Ioseph figured the Byrthe of Christe Capitulo xlviii ALso this day of Ioseph the canele Amyd the felde that dothe vertue floure Was gadered vp by clennes euery dele Whome all that other gan worshippe honoure For in chastite clene chosen bowre Of may denhede this canell grewe by kynde That whan the bretherne of Ioseph dyd bynde ¶ Eueriche his shefe the Byble gan deuyse Howe it stode vp amonge hem euerichone And all the other gan attones ryse And worshipped it mekely one and one For this Ioseph sawe this day alone Sonne and Mone and Sterres eke eleuen To hym obeye vpon the hygh heuen ¶ And the sothfast garnet of the holy grayne As sayth Guydo was a mayde swete In whome was shytte sothely for to sayne The sacred store and eke the halowed whete Of the seuen yere that dyd in plente flete For on this parfyte rote vertuous The seuen eres of grayne so plenteuous ¶ This day be growen to full perfeccion To saue Egipte in his greate nede And for to be to hym saluation In crafte whan he hath ende For this is the grayne that fostre and fede With full repaste woman chylde and man And all his bretherne dwellinge in Canaan ¶ This yonge Ioseph this Ioseph the seconde Shall by his wytte helpe and releue And Iacob made in plente to abounde With fulsum fode at moro we and eke at cue That the honger on no syde ne greue Of the seuene yere vnto his lignage And lyke as Ioseph in his tender age ¶ Thought he sawe hygh vp in heuen Sonne and Mone in his auysion And therwithall Sterres eke elleuen Honoure hym with greate deuocion Of this Ioseph excellinge of renowne This newe Ioseph Christe Iesu hymselue Of the Sterres and the signes twelue ¶ Honoured was with lowe subiection Though he laye lowe in a Oxes stall For bothe crony and domina●ion And hole the courte aboue celestiall This hygh feste for a memoriall The laudes songe in the heuen quere Lyke as Dauid had in the Saultere ¶ Prayseth the lorde of the hygh empyre And with one wyse his byrthe