Selected quad for the lemma: fire_n

Word A	Word B	Word C	Word D	Occurrence	Frequency Band	MI	MI Band	Prominent
fire_n	holy_a	soul_n	spirit_n	2,402	4	5.2015	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A07572	[Liber festivalis]; Festial	Mirk, John, fl. 1403?	1486 (1486)	STC 17958; ESTC S110149	187,701	329

that is colde to make softe that is harde and make harde that is softe And also the hooly goste makythe hertis that be high of pride and enuy he makythe hem lowe and warme in loue and charite and also harde hertis that haue be gaderyng and holdyng of worldely goodes the hooly goste makythe hem softe and liberall to yeue and to de le almesse dede for the loue of almyghty god and makythe theym harde also ▪ in sufferyng of harde and streyte leuyng and in doyng of grete penaūce for her synnes Thus the hooly goste is euer redy to make salue ●or to hele all maner of synnes That othir skylle ys why the hooly goste come to the apostles rathir sittyng thanne stondyng for sittyng be to kenythe mekenesse in herte with reste pece and vnyte the whiche any m●ner a man muste nedis haue that woll ●●sceyue the hooly goste for right ●s the drye wode wolle brenne clerely with onte steryng so shulde euery cristen man loue othyr with brennyng loue and charite clerely with oute feynyng of wrathe or enuy or any maner of malice eche with othir and euery man shulde be f●yne of other is welfare and this ma●ythe to haue a good tonge But as sone as the brondes be caste a twynne by desc●nsi●n of malice and enuye a none the fyre of the holy goste quenchith and thanne risithe vp smoke of grete wrathe and enuye betwene party and party and also grete greuaunce and heuynesse for the soule and causithe it to fayle grace that it may haue no consideracion to reson than anon the wickyd spirites bene redy ryse vp smoke in the same mannes herte that is for to say grete wrathe and enuy and euyll will that hit may haue no maner reste but euer stodyyng and thynkyng also howe he may auenge hym and doo vengeaunre vn to his enemyes and so is a man euer tro●blid and besy in cursid ded is and like to be dampned body and soule in hell to euerlasty●g p●yne but yf he haue socoure and helpe of the hooly gos●e and alle soche thynges that may come of cursid and wicked tonges There for the hooly goste comythe in the lykenesse of tonges of fyre to brenne oute the malyce enuye and anoynte hem with swetenesse of grace loue and charite And therefor we shall prey to the hooly goste to yeue vs grace so to tempre oure tonges that we may euer more speke good that oure hertys may be fedde with mekenesse that we may be abyll to be fedde with the hooly goste As seynt Gregor was whanne he expouned the prophecie he toke to him his dekon seint Petyr to wryte as he expouned and made drawe betwene hym for petyr schulde not se how he dyde in his stodyyngg Thanne as Gregor satte in his chair stodyyng holdyng vp his hond●● and his eyen to he uenward the holy goste come lyke a whyte downe with fote and bill brennyng golde and satte on Gregor right shu●dre and putte her bill in Gregoris mouthe and whanne he with drewe it than he bad Petyr wryte and so continued till he hadde made an ende but he expowned the gospell so boldely that Petyr hadde meruayle ther of and preuely made an hole in the clothe y● was betwene gregor and hym and sawe how the holy goste fedde hym And a none the holy goste shew de Gr●gor howe Petyr hadde done Than Eregor blamyd Petyr and chargid him that he shulde neuer sey no thyng whyle he leued But whanne gregor was dede an eretike wolde haue brēned his bokys that this holy mā made than Petyr with stode hym and seyde nay and tolde all how the holy goste hadde done to hym whyle he expowned the prophecie and so sauyd his bokys vnbrennyd that he hadde made by the grace of god and yifte of the holy goste the whiche yeue vs grace to be fedde of hym here in oure leuyng that we may haue the blysse that neuer shal haue ende Amen In die s●ncte trinitatis GOod men and wymmen thys day ys an highe and a solempne feste in holy churche for it is of the hooly Trinite For as holy churche at wytsontyde makith mencion how the hooly goste come vn to cristus disciples Now at this tyme is made mencion of all iij. pers●nes that is for to say Pater filiue et spiritus Fadyr and sone and holy goste thre persones and one god in trinite where for we be bounde to d●● all the reuerence and worshippe that we can or may to this holy trinite Also ye shall vnderstonde whye howe and what the cause that this f●ste was ordeyned This hooly feste was worshippid for the trinite fedyng for heretikes confoundyng and fore the trinite worshippyng Furste hitwas ordeyned for the forme of the trinite fyndyng And a grete clerke Iohan Bellet tellith that forme trinite was in the furste mā adā onre forme fadyr that come of the erthe one persone and Eue of Adam the seconnde persone of hem bothe come the iij. persones as her childe Thus the trinite was founde in man where fore man shulde haue mynde to doo worshippe to the hooly trinite For hooly churche ordeyned that in weddyng of man and woman to gedyr so that the masse of the trynyte is songon and atte hys dethe one belle shalle be ronge in worshipp̄ of the Trinite where for all cristen peple be bounde gretely to worshippe the holy Trinite The secounde cause is that feste is ordeyned in confoundyng of heretikes and of lolleris for to distroye theym and theyr false opynyones that they hadde a yenste the hooly trinite fore ryghte as he retikes in the be gynnyg of the feythe with her swete wordes and false opynynes where a boute to distroye the feythe of the hooly Trinite in the same wyse lolleris nowe a dayes with her false spece of gyle be a boute also to with drawe the people from the trewe beleue and feythe of the holy trinite and the beleue and feythe of hooly chirche 〈◊〉 marteres and confessoures to the dethe Ryghte so now this lolleris pursewithe men of hooly churche and be a boute in all maner weyes that they can and may fynde to distroye and vndo hem so that they myghte haue her purpose And thus they shewe opynly that they be not godd is seruaūtes for they be oute of charite and he that is oute of charite ys fer from god but he that suffered tribulacion persecucion and dissese fore the loue of almyȝty god and prey for his enemyes and wolle not do no vengeaunce but putte all in god almyghty and he wolle quyte hem full well in euer lasting blisse for oure lorde seyde thus Michi vindictam ego retri●●am Putte all thyng to me and I shall quyte euery man aftyr his deseruyng for thoughe god suffer hooly churche to be pursewid by soche mysse and prowde leueris but at the laste he ordeyned soche a remedye that holy chirche is holpyn and her enmyes

p̄che well and to sey well but there be fewe that hathe wysedome to do well There be many wyse p̄chorys and techourys but her leuyng is no maner thyng aftyr her prechyng Also ther be many that labourith to haue wytte and connyng but fewe trauelith to come to good leuyng for who so haue wytte● and connyng to gete good with fayre sotyll wordis be they neuer so false he is wyse but wytte of holynesse is not sette by For he that can gete good falsely with knackys and mowus he is a wyse mā but he that for sakyth the wytte of this worlde is ● sole But loke what holy scripture seythe Dominus recitauit nom̄ pa●peris quia ipsū approbauit et nomē eins in libro scriptum fuit Oure lord hathe receyued the name of the pore man for he hath preuyd hym in his pouerte and wretyn his name in the boke of lyffe Sed nomen diuitia tacuit quia ipsū nō approbauit But he lefte the riche man for he hathe not preuyd hym but thoug●● a man be neuer so riche atte the laste he shall be pore For noughte he bryngythe with hym but his good dedis and his badde he that leuythe well and techithe well for a good ensample in leuyng is a good doctryne This grace as this day was yeuen to cristus disciples for they taughte well and leuyd well for they gaue good informacion ●● techyng of good ensample in leuyng sore her techyng and her leuyng is sprad de a bowte in all the worlde Than how the come to this grace ye shall here Post ascensioneml domini Aftyr whan that oure lord ihesu criste was steyed vp in to heuen his disciples were in grete heuynesse mornyng for they had de loste her maystre that they louyd full well and for hym had de loste all ther goodys for his loue and for sake all her frenchipp̄ and sewed hym full pore in hope that they shulde gretely be holpen by hym And thus they were alle heuy and gretely stonyed and sore a ferde to be takyn of the ie●o es and caste in pryson aftyr to be putte to deth This made hem sory that they durste not go a monge the people sore to gete hem mete drynke ▪ but yit as criste badde hem in his ascension they wente in to the Cite of Iherusaleth and there they were in an halle of stage and there they satte to gedyr preyng vn to god with hole herte and one sperite of helpe and socoure and somme comforte in her dissese Than as they were thus preing to gedyr sodenly there was a grete clowde made in the eyre like a blaste of thoundre and euyn ther with the hooly goste come among hem Et apparnerunt illis dispertite liugne tan quam ignis And lyghte come downe amonge hem in likenesse of tōges brennyng and not smertyng warmyng and not hermyng lyghtenyng and not flateryng Et repletisūt omnes spiritu sancto And fillid hem full of gostly witte for as they where to sore but lewde men of sighte and vn let tered and verray Ideottes as of co●yng and nothyng cowde of clergye sodenly they were the wyseste men and the beste clerkes in the worlde And anone they spake all maner langages vndir the sonne and there as before her hertis was colde for drede and for fere of dethe Thanne were they so comfortid with the holy goste in brennyng loue that they wente and prechyd and taught the worde of god sparyng for no drede but redy to take the dethe for cristus sake Thanne at that tyme there were in Iherusalē people of all nacions and drewe in to the temple for grete fere of the blaste of thoundre that was in the eyre and stodyed what hit myghte be Thanne come the posteles in to the temple and prechyd and all maner nacions vndirstode hem and they vndirstode all maner nacions so they p̄chyd the worde of god Thanne were the peple a stoyned whā they herde the posteles speke all maner of langages Than seyde somme these haue dronke so moche muste that they wotte not what they do seye nothir what they mene for they be all dronkyn Than answerde petir and seyde we be not dronke but this was the prophecie of Iohell the prophete how the holy goste shulde be yeuen plenteuous to the peple so that they shulde speke with all tonges that is to p̄che and all in the worlde 's the lawe of criste Thanne the people tuened faste and so with in sewe yeris the seythe was in all the worlde Now hit is to wete why the holy goste more apperyd in to lykenesse of tonges rathir than in any othir party of mannes body why he come to hem sittyng rathir than standyng As to the fursce this is the cause a tonge is the beste membre of a mannes body whan hyt is in ▪ good rewle and well disposed but whan hyt is oute of rewle hit is the worsce Denenum aspidum sub labiis eorum Bitter venemé is vnder the tonges that speakithe euyll seythe Dauid in the sawter And as seint Ieme seythe Acursed tonge is fired with fyre of hell and may not be chastifid while the fyre brennyth hit And also for tonges muste speke wordis of fyre that ys sharpe and sperkelyng to sey trouthe and notte spare in prechyng and techyng to repreue mys dedis for as holy men in olde tyme ouercome and droue a wey the fyre of lyghtenyng with holy wordes and good preyoures with the brennyng loue to god ryghte for the fyre of the holy gost shulde dryue a weye and ouercome the fyre of helle that enuy hath and euyll leuyng that regnyth now in the tonges of moche people and in her herte And for the apostlis othir prechoris that comythe aftyr hem shulde speke brennyng wordis that is neythir to sharpe nothir for drede nor for loue to sey the trouthe to tell the people her defautes and to repreue the synne that regneth in hē in many diuerse wyse and so to do and sey the worde of god and to repreue synne and but they woll leue synne they shall with oute remedy be dāned in to the fyre of hell for thoughe thou shuldiste dye spare not to preche the worde of god and telle the trouthe Item deus ē misericors penitentibus pecca tasua Also god is mercyfull to theym that be sory for her synnes woll leue hem T●m uero confessus fuerit et relinuerit ea misericordia cōse qua tur For thoughe a mā haue do neuer so moche synne and he woll shreyue hym and for sake his synne mercy shall folowe hym and he shall haue for yeuenesse and so come to the bryghte fyre euer lastyng blysse that is the precious loue of god that brennythe amonge angelis and seyntis in heuen Also he comythe in lykenesse of tonges of fyre for it is the kynde of fyre to make lowe that is highe and to warme